CATHERINE'S POV
"CATHY, pinapabigay nga pala ni Prof. Garcia."
Kumunot ang noo ko nang iabot sa akin ni Lindsay ang isang long brown envelope. "Ano 'yan?"
"Aba, malay ko. Hindi naman sinabi basta iabot ko lang daw sa'yo. At huwag ko raw buksan." Kumunot din ang noo niya. "Ikaw nga ang dapat na tanungin ko kung ano ba 'yan at naka-seal pa talaga. Siguro, reviewer, 'no? O kaya ay iyan na ang mismong exam natin. Binibigyan ka na ni Prof. Garcia para hindi ka na raw mahirapan. Sabi naman sa'yo, eh. Type ka talaga no'n."
"At bakit naman niya gagawin iyon? Alam naman niya na kayang kaya kong ipasa ang subject niya kahit hindi ko favorite. And you know that."
"Pero ano nga ang laman niyang envelope?"
"Hindi natin malalaman kung hindi natin bubuksan." Aktong tatanggalin ko na sa pagkaka-seal
