CATHERINE’S POV
PAGKATAPOS ilatag sa akin ni Romnick ang mga plano niya at pumayag naman ako, pinayagan na ako ng grupo niya na makalabas ng silid. I don’t know kung paano niya na-convince si Randolph. Pero kahit sa bakuran ay nakakagala-gala na ako. Siguro dahil alam naman niya na alam kong malabong makatakas ako sa lugar na ito sa sobrang dami ng bantay at secure na secure pa ang paligid. Bukod kasi sa mga alarm, may mga CCTV pa na twenty-four-seven naka-monitor. Tatangkain ko pa lang, huli na agad ako.
Dalawang araw na ako sa lugar na ito pero hindi pa rin kami umaalis papuntang Mexico. Ang sabi ni Romnick, may hinihintay pa raw na go signal mula sa mga kaalyansa si Romnick. Hindi pa naman daw naghihinala si Lord Dimitri na hawak nila ako. Ang alam lang nito, ibang kalaban ni Tatay Tr
