TATAY TRISTAN’S POV
“SIR, wala na raw pala sa hideout niya si Lord Dimitri. Natunugan yata ang misyon natin kaya sumibat na,” imporma sa akin ng kasamahan ko sa INTERPOL. “Hinalughog na namin ang buong paligid pero mga caretaker na lang na Mexican ang nadatnan namin. At hindi raw nila alam kung saan nagtatago.”
Napailing na lang ako. “Hay*p ka talaga ang Lord Dimitri na ‘yon. Napakatinik!”
Si Lord Dimitri ay isang Filipino Mafia lord na sikat, hindi lang sa buong Asya, kundi pati na rin dito sa North America. Hawak niya ang iba’t ibang uri ng illegal na gawin tulad ng human trafficking, gun smuggling, drugs, at kung ano-ano pa. Pati ang mga online sugal ay pinasok na rin niya lately. Mahirap siyang mahuli dahil wala siyang permanenteng tirahan. At ang huling balita nga namin ay nandito
