SAMANTHA'S POV
DAHIL maaga pa naman kaya sumama ako kay Romnick nang yayain niya ako na pumunta daw muna kami sa beach para panoorin ang sunset. Wala raw kasi gaanong tao doon kaya malaya kaming makapag-date.
Tinawagan ko na lang si Lola at nagpaalam. Pumayag naman siya nang malamang si Romnick ang kasama ko. Basta huwag lang daw kami magpagabi. May pasok pa kasi ako bukas. Tapos natatakot na rin si Lola na baka maulit ang nangyari sa akin noon.
Na-excite ako nang makarating kami sa tabing dagat at nakita ko ang malawak at payapang karagatan. Dahil malayo kami sa dagat kaya bihira na lang akong makapunta sa ganitong lugar.
"Wow!" hindi napigilang bulalas ko. "Ang kalmado ngayon ng dagat. Sayang at wala akong dalang damit. Ang sarap sanang maligo."
"Hindi bale. Babalik na lang tayo d
