Chapter 59
Anika / Chantal POV
NAGISING ako sa sikat ng araw na tumama sa aking mukha. Unti–unti kong iminulat ang aking mata, namamaga pa ito dahil wala akong tigil sa kakaiyak. Magdadalawang araw na ang nakalipas sa assassination attempt kay Gunner.
Malalim akong napabuntong–hininga. The bullet missed Gunner's heart by a couple of inches. Naging sanhi upang maconfine sa ospital si Maddison dahil sa tension at pag–alala. Ganoon din si Doñya Savannah.
Hangang ngayon hindi parin nagigising si Gunner. Samantala si Greeco ay nasa malubhang kondisyon dahil sa dalawang balang sinalo niya na para sana lahat kay Gunner. Hindi sigurado ang mga doktor kung makakaligtas ang matanda.
Kinuha ko ang aking phone at tiningnan kung anong oras na. Alas–dose na pala nang tanghali matagal pala akong nak
