Dala ang kanilang mga armas at ang poot na hindi kayang pawiin ng anumang paliwanag, pumasok sina Niccolo at Vito sa malawak na living room. Inaasahan nila ang isang madugong tapatan, isang engkwentro laban sa mga private guards ni Don Lorenzo. Inaasahan ni Niccolo na makikita niya ang mapang-uyam na mukha ng matanda habang hawak ang kaniyang baston.
Ngunit walang sumalubong sa kanila kundi ang mga nakatumbang gamit, mga basag na plorera, at ang amoy ng takot.
"Nakatakas na ang matanda," asik ni Niccolo, ang kaniyang boses ay gumaralgal sa tindi ng pagkadismaya. Hinampas niya ang pader sa galit. "He knew. Alam niyang darating tayo."
"Marco Bianchi," bulong ni Vito habang tinitignan ang mga bakanteng safe at mga bukas na drawer.
"Tinulungan siya ni Bianchi na makatakas. Alam ni Bianchi
