Ang dating makapangyarihan at kinatatakutang si Niccolo Altierre. Ang lalakeng kayang magpabagsak ng stock market sa isang pitik lang at kayang magpaluhod ng mga sindikato ay nakatayo ngayon sa gitna ng likod-bahay nina Lhevie, suot ang isang sando na medyo maliit sa kaniya at shorts, habang may hawak na balde ng patuka.
Hindi na siya umuwi. Mula noong gabing dinala siyang duguan, tila ibinaon na rin ni Niccolo ang kaniyang pagiging bilyonaryo sa ilalim ng lupa. Nagpadala siya ng kaniyang mga gamit kay Bebang, at ang mansyon na dati niyang tirahan ay naging isa na lamang opisina. Ngayon, ang kaniyang bagong emperyo ay ang manukan ng ama ni Lhevie.
"Iho, huwag mong biglain! Parang nanliligaw lang 'yan, dahan-dahan ang paghagis ng patuka para hindi sila maguluhan," tawa ng matanda habang n
