Chapter 50
'Final Chapter'
— Phoebe —
Mabilis kaming sinalubong nila Eula at ng iba pang mga estudyante. Lahat sila ay nag-aalala dahil sa nangyaring pagsabog. Marahil ay wala pa silang ideya sa nangyari.
"May nasaktan ba sa inyo?" tanong ni Eula at umiling kami.
"Sakay si Rivero ng spacecraft na ’yon." Sabi ni Ares. Pagkatuwa ang naramdaman ng lahat. Hindi ko sila masisisi kung hindi man sila naawa sa sinapit ni Mr. Rivero.
"Phoebe, kanina ko pa hinahanap si Jairah. Nasaan siya?" Naramdaman ko ang hirap sa pagsasalita katulad noong tanungin niya ako kung nasaan si Jairah noong magtraydor siya sa grupo. Ngayon, ang sabihing namatay siya sa pagsabog ng shuttle na sinakyan namin ang hindi ko naman alam kung paano sasabihin sa kanya.
"Sumabog ang shuttle na pinagsakyan sa amin, Kuya Re
