NAKAAWANG ANG labi ni Cozbi habang nakatitig sa portal na biglang lumitaw sa kanyang harapan. Hindi niya inaasahan na si Devon ang makakahanap at magliligtas sa kanya. Dahil sa sobrang tuwa ay paika-ika siyang tumakbo patungo sa kaibigan at niyakap ito ng mahigpit.
"You found me!" sigaw niya sa sobrang tuwa. Ni hindi niya napansin si Omisha na nakatayo lang sa isang tabi at pinagmamasdan siya.
Naroon pa rin ang galit ni Omisha para sa binata ngunit isinantabi niya ito. Pinapanalangin lang niya na sana ay hindi na muling mapadpad si Cozbi sa lugar na kanyang iniingatan upang hindi na ito maparusahan.
"Salamat! Hindi ko na alam ang gagawin ko, salamat at dumating ka!"
Panay pa rin ang pagpapasalamat ni Cozbi kay Devon. Ang huli naman ay nakangiti lang ngunit palihim niyang sinusuri ang k
