Pagdating nila Stella sa mansion ng Del Frado’s ay natanaw niyang naroon na ang kotse ng asawa. Bumaba siya ng sasakyan at naglalakad papasok sa loob ng bahay habang kasunod si Marvin. Pagpasok niya, nakita niya si Matthew na galing kusina at naka-office attire pa ito. Hinuha niya’y kauuwi lang din nito. Dumiretso siya sa sofa para magpahinga dahil pakiramdam niya’y napagod siya.
Aakyat na sana si Matthew sa taas ng tawagin ito ni Marvin.
“Matthew,” tawag nito. Napalingon si Stella sa mag-ama. Hindi sumagot ang asawa pero tumigil ito sa paghakbang. Tumingin sa kanya si Marvin.
“Hija, pwedeng iwan mo muna kami? Mag-uusap lang kami,” mahinahong wika nito. Tumango lang siya at sinulyapan ang asawa bago tumayo. Inalis niya ang tingin kay Matthew at umakyat na sa taas.
“What now, dad?” tan
