Nakakaadjust na ako kahit papaano sa US dahil sa tulong ng aking mga bagong kaibigan, sina Gwen, Xandria at Ryle. Alam na rin ni Mama na nandito ako lalo na’t noong nakaraan ay tumawag ako para magpadala ng pera sa kanya.
“Nakakagulat naman, anak! Nag-alala pa naman ako sa’yo lalo na’t ilang araw kanang hindi tumatawag. Tapos ngayon malalaman ko nariyan kana pala sa US!” si Mama sa kabilang linya na ramdam ko ang pagkakagulat.
Nagpapasalamat ako at walang signal minsan doon kaya hindi siya expose sa social media. Hindi ko malulunok ang kahihiyan kung sakali mang nalaman niya ang tungkol kay Aleli at ang nangyari sa amin ni Daniel.
Hindi ko alam kung kailan ko iyon masasabi at mas lalong hindi ko rin alam kung paano ipapaliwanag na mahal ko si Vincent.
Magugulat si Mama marahil. Kahit
