Maaga kaming bumyahe kinabukasan lalo na't mahaba habang byahe rin pala ang aming gagawin. Nagrenta rin kasi si Vincent ng kotse para sa land trip. Marunong siyang magmaneho simula pa noon at kahit mabilis ang takbo ng aming sasakyan ay swabe lamang ang tulin nito.
Nasa front seat ako at abala naman sa pagbubukas ng mga dinala naming pagkain na binili rin sa nadaanang 7/11. May mga ready to eat ng nakahanda at drinks. Marami ring snacks. At ako talaga ang gumastos sa kagustuhan kong may maiambag.
"Gusto mo?" alok ko sa binubuksang sandwich nang maalalang hindi pa ito kumakain.
Nilingon niya iyon saglit. Ibinalik niya ang tingin sa kalsada.
"Can't eat. I'm driving," aniya.
Ngumuso agad ako lalo na't dahan dahan niyang inihawak sa manibela ang isang kamay na walang silbi kanina at
