Chapter 49
Helleia Demetria’s POV
Pagkatapos ng pag-uusap namin ni Hellion ay agad syang umakyat sa itaas patungo sa kwarto nya. Ako naman ay naiwan sa sala habang nakatitig sa hawak kong folder.
Malapit na ang birthday ko, ilang buwan nalang rin ay nasa tamang edad na ako. Hahawakan ko na ang mafia group ni dad at pamumunuan ito. Ang sabi ni Hellion ay patuloy na bumabangon at nagpapalakas ang Vandross, pinaghahandaan raw ng organisasyon ang pagtuntong ko sa tamang edad.
Kung iisiping mabuti, mahirap ang pagdadaanan ko. Mas mahirap pa sa pinagdadaanan ko ngayon. Kailangan kong maging malakas at matapang na leader. Kailangan kong maging matalino at madiskarte.
Mariin kong pinagdikit ang aking mga labi saka binuksan ang hawak kong folder. Bumungad sa akin ang salitang 'Vandross Mafia'
