Chapter 69
Helleia Demetria’s Point of View
Papasikat na ang araw. Panibagong araw nanaman ang dumating pero parang nakakulong ako sa kahapon.
Tulala akong nakaupo habang hilam sa luha ang mga mata. Sa harap ko ay nakahiga si Red sa kama habang may kung anu-anong nakakabit sa katawan. Bigla na lamang syang nag agaw buhay kanina. Kasabay ng pagyakap ko sa kanya ang biglang pangingisay ng katawan nya na sobra-sobra kong ikinatakot.
Nandito kami sa isang silid sa Morfell palace, bukas ang katapat kong bintana habang nakatitig ako sa papasikat na araw. Sa sofa naman sa gilid ay nakahiga si Hellion, may IV sya sa kamay dahil hindi rin naman maganda ang lagay nya dahil sa balang bumaon sa katawan nya.
Tiningnan ko si Red. Sobrang putla ng mukha nya, ng labi, mukha syang pagod na pagod, ang
