Hindi alam ni Elizabeth kung ano nga ba ang dapat na sabihin niya sa sinabi ni Chase. Ang alam niya lang ay tumagos ito sa kanyang puso. Sa mga oras na ito ay pinipigilan na ni Elizabeth na huwag umiyak sa harapan ni Chase. Ayaw niyang kaawaan o makita siyang umiiyak ng binata.
"Hindi ko kayang paasahin ka Elizabeth o bigyan ng malisya ang mga ginagawa ko sa 'yo," sabi ni Chase at hinawakan niya ang kamay ni Elizabeth habang nakaharap sa kanya.
"Hindi ko rin kaya na saktan, lokohin o ipagpalit si Jane. Siya ang pinapangarap kong babae Elizabeth. Sana maintindihan mo iyon," nakikita ni Elizabeth sa mga mata ni Chase na nagsasabi siya ng totoo. Bago bumagsak ang luha ni Elizabeth ay inayos na niya agad ang kanyang sarili.
"Alam mo ba kung bakit kita nagustuhan Chase?" hinawakan ni Elizabe
