Puerto Princesa City
December 20, 2010 (morning)
Nagising siya sa naririnig na patak. Masakit ang ulo niya, bigla siyang napapitlag ng maalala ang nangyari sa kaniya kung bakit siya nawalan ng malay. Napatigil siya sa paggalaw dahil sa sakit ng ulo na naramdaman at nanlalaki ang mga mata sa takot nang makita na nakatali ang mga kamay at mga paa niya sa apat na kanto ng kamang hinihigaan.
Hinanap niya kung saan nanggaling ang patak na naririnig kanina at nabalot siya ng sindak nang makita na sa ulo niya nanggagaling iyon. Ang ulo niya ay nakalaylay mula sa kama at ang pumapatak ay dugo na nagmumula sa likod ng ulo niya.
Ang pagkakahiga sa kaniya ay pabaliktad sa kama, ang headboard ng kama ay nasa paanan niya at sinadyang inilaylay ang ulo niya para makatulo ang dugo niya. Sinubukan n
