CHAPTER 98
THE KILLER LOVER
JOEMAR ANCHETA
Sobrang sakit no'n lalo pa't hirap akong huminga sa pananakal niya sa akin. Kailangan ko nang gumawa ng paraan bago ako malagutan ng hininga. Hindi si Denver ito. Ang kilala kong Denver. Ibang personality niya ang nakikita ko ngayon. Inapuhap ko ang kutsilyo sa baywang ko.
"Hayop ka, Denver. Pinaikot mo kami. Pinagmukha mo kaming tanga!" singhal ko.
Nagkatinginan kami ni L-jay na noon ay dahan-dahan na siyang tumayo mula sa pagkakaluhod sa harapan nang nakasakong bangkay nina Angel at Vince.
"Ha ha ha! Di ba diyan ka lang naman magaling. Sa kadakdak mo! Kaya tapusin na natin ang laro nating ito. O di ba masaya! Ito ang gusto mong salihan. Gusto mo ng mas exciting na buhay pag-ibig, hindi ba?" singhal niya.
"Oo Denver! Dahil isinali mo ak
