MAGARANG botique ang pinasukan nila Olivia. Silang dalawa ni Tamara ang nauna sa loob sapagka’t may tinanggap na importanteng tawag si Gaurish mula sa isang tao at pansamantalang kinausap iyon.
Bungad pa lamang ay nagsusumigaw na sa kagandahan ang loob ang naturang lugar. May mga sample ng mga gown na naka-display at sobrang paghanga niya iyong pinag-masdan.
“Pretty ‘di ba? I bet this is your first time to see an expensive gown.” Sulpot ni Tamara sa kanyang gilid. “Wala naman kasing magsusuot ng gown sa ampunan, e. Parang tanga naman ‘yon ‘di ba kung gano’n?”
Iritableng tinapunan niya ito nang tingin pero buo ang isip na hindi ito patulan. Ang usok na matayog ang taas, hindi na dapat gatungan. “Talagang ngayon lang naman ako nakakita ng ganito kagagandang gown. Sa ampunan kasi, masaya n
