"Claveria, laya ka na," seryosong sambit ng isang police na ikinagulat ni Lanche. Kahit na naguguluhan ay naging masaya siya. Nang makalabas siya, agad na sinalubong siya ni Meshua kasama si Chillet.
Subalit hinahanap ng kaniyang mga mata ang babaeng mahal niya. Nagkatinginan lamang ang dalawa habang panay pa rin ang lingon niya sa paligid.
"Where is my wife?" seryosong tanong niya sa dalawa.
"Wala siya dito, Captain. Sorry," sabi ni Meshua.
Nawala ang mga ngiti niya sa labi nang sabihin iyon ni Meshua. Nasaktan siya ng hindi ito makita para salubungin siya.
Talagang galit pa rin ito sa kaniya.
Imbes na malungkot ay agadsiyang lumabas para umuwi. Na para bang sigurado siyang nasa bahay nga ang asawa.
Ilang oras ang lumipas nang makauwi siya. Subalit walang Lauren na bumungad sa
