Hindi ko na pinakinggang mabuti pa ang sinabi ni Lu dahil baka mas mabadtrip lang ako. Ang mahalaga sa akin ngayon ay ang matapos kaagad ang ensayong ito dahil ito na ang huli. Sa wakas ay mararating na rin namin ni halihayop ang Esdan na sadya namin.
"Sa tingin mo ba, Master Bobo, magiging mahirap ang ensayo mo rito lalo na at dalawa pa silang kailangan mong malagpasan?" untag sa akin ni halihayop.
Kasalukuyan kaming nagpapahinga ngayon katulad ng sinabi ng kambal na Lu at Ku. Kahit na ilang ulit ko yatang sinabi sa kanila na hindi ko na kailangan ng pahinga ay ipinagpilitan pa rin nila.
"Walang mahirap sa akin lalo na at gustong-gusto ko ng matapos ang lahat ng ito," sagot ko sa kaniya.
"Nakakatuwa namang marinig iyan, Master Bobo. Sana nga ay malagpasan mo kaagad ang kanilang pagsub
