Sobrang gaan ng pakiramdam ko habang nakaupo sa balikat ni halihayop. Ngayon ko lang na-realize na masarap din pala sa pakiramdam kapag natutulungan ka... Siguro, kung tinulungan ko si Virgilio noon ay magaan-gaan din ang kaniyang pakiramdam. Kumusta na kaya ang kaniyang inang may sakit?
"Ayos ka na ba, Master Bobo?"
Napalingon ako kay halihayop. Pagkatapos ay bigla akong napautot.
Alanganin akong napangiti kay halihayop pero nang madako ang tingin ko kay Jila na nasa tuktok ng ulo ni halihayop ay bigla akong pinamulahan. Nakakahiya!
"Ano ang mainit na pakiramdam na iyon sa aking balikat?" takang tanong ni halihayop habang nakatingin sa akin.
Napalunok ako. Dalangin kong hindi nila alam ang tungkol sa mga utot-utot. Lalo na si Jila.
"Ah... Baka dahil sa tagal ko ng nakaupo rito sa ba
