Vanna's POV
Nakahanda na ang hapag sa oras na iyon, alam kong paparating na sina Magnus. Tumawag si kuya Jay na nagising na raw ito at maayos na ang pakiramdam. Gusto na raw umano nitong umuwi at magpahinga dito sa Villa. Nakangiti lang ako habang naghahanda sa kusina.
"Oh, abot-ngiti tayo ngayon ah, siguro excited ka nang makita si Magnus no?" si Peruvian na panay ngiti sa'kin habang hawak ang baso ng lemonade.
"For sure, ngayon lang sumigla ulit si Vanna e," Vittos added.
"Of course." Ngiti ko saka sinimulang maghugas ng kamay, kailangan ko ring ihanda ang sarili. Aakyat muna ako sa kwarto para makapagbihis at magpaganda.
"Kayo na muna ang bahala riyan ha," sabi ko sa dalawa. Tuloy-tuloy ako sa hagdan patungo sa itaas. Nang makapasok sa kwarto ay agad akong nagtungo sa tokador.
