HINDI pa rin ako makapaniwala habang pinapasadahan ng tingin ang kanyang kabuuan. Sa buong buhay ko, si Lola Mariana lang ang kilala kong kagaya ko. Nagpalipat-lipat na ako ng lugar ngunit ngayon ko lang siya nakita. Saan siya nagtatago? Marami ba sila? Tulad din ba sila ni Vane? May pinanggalingan din ba ako?
“P-Paano. . .”
Bago ko pa masabi ang aking tanong. Siya na ang nagtuloy at sumagot. Kaswal siyang naupo. Parang wala lang sa kanya na nasa loob siya ng ibang teritoryo. Kapag nakita o natunugan siya ng mga Omega. Hindi siya sasantuhin ng mga ito.
“Paanong ngayon mo lamang nalaman na may iba pa pala bukod sa ‘yo at sa iyong lola?” pagpapatuloy niya. “Because we weren’t supposed to be seen, Avianna. Hindi tayo tulad ng ibang mga lahi ng lobo. Tulad ng mga nilalang na nasa loob ng
