C H A P T E R 38
Chapter 38
Third Person's POV
NAKAILANG beses nang huminga nang malalim si Erris para pakalmahin ang sarili, para mapigilan na ang pag-iyak nang malakas pero hindi talaga niya magawa. Halos kinakagat na nga niya ang kamay para hindi na kumawala ang hikbi pero sa huli ay hinayaan niya na lang din ang sarili na umiyak nang malakas dahil pasaway pa rin naman ang mga mata at panay ang pagluha. Tutal ay mag-isa lang naman siya sa burol at baka nga mga halaman lang at ulap ang makakita sa kaawa-awa niyang hitsura sa pag-iyak ngayon. Naapektuhan talaga siya sa narinig niya kay Eicine, sampal iyon sa kaniya na inuubos ang kakaunting tiwala at paniniwala niya na hindi iyon magagawa ni Warren.
Ilang minuto na rin siyang nakaupo sa itaas ng burol, malamig ang hangin at tahimik a
