Mabilis na lumipas ang dalawang lingo. Hindi na muling nakabalik sa trabaho si Camille. Nagulat nalang siya na wala na siyang babalikan na trabaho dahil sa kagagawan ni Roldan. At lahat ng mga gamit nila sa apartment ay pinahakot na rin ni Roldan pauwi ng Cavite. Gustuhin man niya na magalit sa lalaki ay hindi niya magawa dala ng pakiusap ng Ina ni Roldan na mamalagi muna sila roon pansamantala upang makabawi raw ang mga ito sa mga panahon na hindi nila nakasama ang anak niya si Rhiane. Kung siya lang ang masusunod ay ayaw na sana niya na mamalagi pa roon. Pero paano pa niya iyon gagawin gayon wala na siyang babalikan na trabaho at bahay? Mahihirapan na naman siya na mag hanap ng panibagong trabaho. Ang kinakainis pa niya ay simula ng umalis ito ay hindi pa muling nagpapakita sa kanila
