Tahimik lang si Julie habang tinitingnan si Hazel na katabi ngayon ni Elmo sa hapag ng mga Magalona.
Nagluto kasi si Manang Elsie, ang nanay ni Hazel ng meryenda para sa kanila.
Siya naman ay sa tapat ng nobyo habang katabi ang kakambal na ang katabi naman ay si Nadine.
"Elsie! Akala ko mamayang gabi pa kayo." Sabi ni Monette habang mahinang hinahampas ang braso ng kasamabahay. Halatang close din talaga sila sa isa't isa. "Dapat ipapasundo ko kayo sa airport!"
"Nako Ate Monette huwag mo na alalahanin iyon no! E nahiya na rin kasi ako." Parang nahihiya naman itong napatingin ulit kay Monette. "Uhm, ate, sinama ko din ito si Hazel. Pero hahanapan ko naman siya ng dorm. Balak ko kasi pag-enrolin dito sa malapit na university."
"Ah ganun ba! Mag-college ka na rin nga pala iha!" Sabi p
