“ATEEEE!” malakas na tili ni Lia pagpasok nilang mag-asawa sa loob ng bahay.
Malapad na napangiti si Amihan at sinalubong ng yakap ang kapatid na ilang buwan din niyang hindi nakita at nakausap.
“You’re getting prettier, ha?” puri nito sa kanya, sabay tingin kay Alvin.
“In fairness, mukhang magaling mag-alaga ang tukmol na ‘to,” birong sabi pa ni Lia.
“Naman!” pagmamalaking sagot ng asawa.
Muling lumipad ang tingin sa kanya ni Lia. “Ate, kapag pinaiyak ka nitong si Alvin, sabihin mo sa akin, papabaril natin kay Ikah ‘yan.”
“Mabait ako, no?”
“Nandito na pala kayo!”
Sabay lumingon ang tatlo. Nakita nila na pababa na ang kanilang ama. Agad sinalubong ito ni Amihan. Humalik siya sa pisngi n
