KINAUMAGAHAN mula ng dumating si Alvin doon sa Netherlands ay agad siyang dinala ng asawa sa Farm nito.
Labis siyang namangha sa nakita. Minsan nang nabanggit ni Migs na malawak nga daw ang taniman ng Tulips ng kapatid nito sa Netherlands. Pero hindi niya akalain na ganoon iyon kalaki at kaganda. Para siyang nasa Paraiso, bawat bulaklak na nakatanim doon ay maganda ang mga kulay. Halata na maayos iyong naalagaan. A very high-quality product. One of the many reasons why Bloom Breeze International is hailed as number one distributor of Tulips in the world. Ngayon ay hindi na siya nagtataka kung bakit malaki ang interes ni Chrissy na kunin iyon mula kay Amihan. Sa kabilang banda, mas lalo siyang humanga dito dahil mas lalo niyang nabigyan ng justification kung bakit nito
