"Kung sino ka man, mapapatay ka rin namin!" malakas na sigaw na halos hindi na nga niya marinig. Hindi naman siya sumagot, ngumisi lamang siya. Inasinta niyang muli ang malaking bato pero wala na siyang makitang mga kalaban dahil ang lahat ay nagtatago na.
"Ganyan nga, matakot kayo sa akin. Manginig kayo sa takot dahil ipaparanas ko sa inyo ang impyerno," bulong muli ni Josh at muli itong ngumisi.
Alam niya na hindi siya gagamitan ng mga ito ng malakas na armas dahil kailangan nila ng buhay si Celestina. Kailangan nilang makuha ng humihinga ang babaeng mahal ko, at 'yan ay hindi ko pahihintulutang mangyari. Mapapatay nila ako pero gagawin ko ang lahat upang hindi nila makuha ang mahal ko.
Tumingin siya sa kanyang orasang pambisig, gabi na at kailangan na niyang balikan si Celestina bag
