Elara Pov
Kanina pa ako nakahiga sa kama ngunit hindi ako makatulog. Naligo na nga ako para mapreskuhan ang pakiramdam ko at makatulog agad ngunit wala iyong epekto. Hanggang ngayon ay mulat pa rin ang mga mata ko at pabiling-biling sa higaan. Para bang maalinsangan sa katawan.
Humugot ako ng malalim bago nagpasyang bumangon at bumaba sa kama. Kinuha ko ang nakasampay na puting bathrobe at isinuot bago ako lumabas sa kuwarto ko. May terrace sa tabi ng aking silid kaya nagpasya akong doon magpahangin at magpa-antok.
Humawak ako sa barandilya at tumingala sa kulay blue na kalangitan. Maliwanag ang bilog na buwan kaya naman kitang-kita ko rin kung gaano kaaliwalas ng kalangitan. Napakatahimik pagmasdan ang mga ulap na marahang gumagalaw sa ihip ng hangin. Bigla tuloy akong naiinggit sa ka
