Nakatitig si Rohem kay Patrick. Bakas sa kanyang mukha ang matinding pagtataka kung bakit nasa mansyon nila ang binata. Maraming tanong ngayon ang gumugulo sa kanyang isipan na gustong-gusto niya na mabigyan ng sagot.
Dahan-dahan namang tumayo si Patrick mula sa pagkakaupo para magpantay sila ni Rohem.
“Kumusta ka? Malapit na ring matapos ang two-weeks suspension ninyo ni Tattered at makakabalik na kayo ulit sa trabaho,” ani Patrick.
Bumalik naman sa sarili si Rohem. Tipid siyang ngumiti. “Ok lang naman ako,” sagot niya. “Oo nga. Malapit na rin kaming bumalik,” aniya pa. “Teka nga, kanina pa ako nagtataka. Anong ginagawa mo rito? Ang sabi sa akin ng katulong namin, hinahanap mo daw si kuya? Bakit? Magkakilala ba kayo?” sabi at tanong pa nito.
Ningitian ni Patrick si Rohem. “Oo, kilala
