"Amber!" napalingon si Amber sa tumawag sa kanya.
Napakunot-noo siya ng makita si Kai na nakangiting papalapit sa kanya. Pinamewangan niya ito ng makalapit na ito sa kanya saka tinaasan ng kilay.
"Sinusundan mo ba ako?" natawa ito sa sinabi niya.
"Hindi kaya."
"Tss! Hindi daw. Eh sa tuwing pupunta ako dito, palagi ka na lang nandito." sabi niya saka naupo sa pandalawahang mesa. Naupo din ito sa harap niya.
"Normal lang naman siguro na pumunta ang may-ari ng cake shop dito, di ba?" nagulat siya sinabi nito pero hindi niya pinahalata.
Ayaw niyang ipahalata dito na napahiya siya. Sinasabi niya kasing sinusundan siya nito pero ang totoo may-ari pala ito ng cake shop.
"Ows?" Tumawa siya. "Di nga?"
"Oo nga. Bakit ba ayaw mong maniwala?"
"Kung ikaw nga may-ari, manglibre ka nga." biro n
