“Amber, ikaw na muna ang mamalengke ngayon,” sabi ni Manang Tessa kay Amber.
Ibinigay nito kay Amber ang papel kung saan nakasulat ang mga bibilhin.
“Sige po, Manang Tessa.”
“Tawagin mo na din si Delfin para ihatid ka niya.”
Tumango ito bilang sagot saka umalis. Ilang minuto lang ay bumalik si Amber. Nagtaka si Manang Tessa ng hindi nito kasama si Delfin na dumating.
“Manang, hindi ko po makita si Mang Delfin.”
“Anong ibig mong sabihin?” nagtataka nitong tanong.
“Eh halos ikutin ko na ang buong mansyon eh, hindi ko pa rin siya nakikita. Nagtanong na din po ako sa ibang mga katulong, hindi daw po nila nakita.”
“Nasaan na ba ang matandang ‘yun?”
“Ang mas ikinapagtataka ko, Manang, wala na po ang mga gamit niya sa kwarto.”
“Ano?” gulat nitong tanong saka mabilis na pumunta sa kwarto
