Wala namang pumigil sa akin, lalo na nang hugasan ko ang mga prutas at inayos sa lagayan pagkatapos. Ginawa ko ito at sinikap kong maging abala para hindi ko isipin kung anong nangyayari sa sala, lalo na at naroon ang mukhang malditang babaeng naghihintay kay Sir Xander kanina.
"Ang dami naman nito. Salamat po dito, Ma'am Avery," natutuwang sabi nang dumating na katulong, dala ang ilang bilao ng kakain.
"Kayo na pong bahala d'yan. Baka gusto ninyo, kumain na po kayo, tirhan n'yo lang ang mga bata para sa merienda mamaya," nakangiting sabi ko sa mga kasama ko.
"Salamat, ma'am. Nakakatuwa ka talaga. Ang tagal naming hindi nakakain ng ganitong kakainin, dahil bukod sa walang ganito sa supermarket ay bihira lang din kaming lumabas at mamili."
Tipid na ngiti ang sinukli ko sa natutuwang mg
