KING HECTOR'S POV
PINUNTAHAN ko agad si Clementine para kausapin. Aalis kasi ako maya-maya at hindi ako dito matutulog. Pupunta ako sa boarder dahil nagkakagulo na naman doon. Kaya wala ako dito bukas kapag aalis ito papuntang Westfield.
Bibilinan ko lang naman siya para hindi siya aanga-anga doon. Baka mamaya kung anong katangahan ang gawin niya doon. Lagot na.
Sinubukan kong buksan ang pinto nang kuwarto niya. Kaya lang sarado yon. Kaya siguradong nasa loob ito ngayon. Kumatok na lang ako.
"Sino yan?" narinig kong tanong nito. Pero hindi ako sumagot. Nababagot na kumatok na lang ako uli.
Mayamaya'y binuksan na din lang nito ang pinto.
Nagulat pa ito nang makita ako. Andun na naman ang takot sa mga mata nito. Laging yon ang una kong napapansin sa kanya. Patunay lang yon na talagang
