Rio’s POV
Tagumpay akong nakaalis sa lugar na iyon. Tahimik akong nakauwi sa Penthouse ko, pagkatapos ay kaagad kong tinawagan si Clark na iligpit niya ang naiwanan kong sasakayan. Mahigpit ko na rin na ipinagbilin sa kaniya na huwag muna niya sasabihin sa kahit na kanino ang nangyari sa akin. Alam kong tumakas na rin ang mga lalaking nakasangga ko kanina kaya naman pinaligpit ko na kay Clark ang sasakyan ko roon habang hindi pa nalalaman ng mga pulisya.
Gusto ko muna na i-sekreto ang nangyari sa ngayon dahil marami pa akong gustong malaman. Nag-alala sa akin si Clark lalo na ng sabihin kong may tama ako sa braso. Kahit daplis lang naman iyon ay mukhang mararamdaman ko ito mamayang gabi.
“Sir. Tapos na po ang ipinag-utos ninyo. Puwede kitang puntahan riyan upang gamutin ang sugat mo,”
