3rd person POV
Nagmamadali si Iya na lumabas sa resort at kaagad na nagtago sa sulok kung saan walang tao at CCTV camera na nakatutok sa kaniya. Kinuha niya ang cellphone at kaagad na tinawagan ang kasintahan niyang si Garon.
“Umalis na ang mga ibang tauhan nina Derek kaya puwede na kayong pumunta rito. Magmasid muna kayo at huwag basta-basta susulong,” mahina niyang sabi sa kasintahan sa linya.
“Salamat mahal. Inform ko kaagad ang Team Agila. Kasama na rin si Rio at nasa kabilang isla sila ngayon,” sagot niya sa kasintahan.
“Makinig ka Garon. Bukas ang pinto sa likod. May maliit na gate roon at hindi ko kinandado. Kapag ni-ring ko ang cellphone mo ay kaagad kayong pumasok, pero mag-iingat ka…kayo ng mga kasama mo,” bilin niya sa kasintahan. Aminado si Iya na kinakabahan siya at nat
