Ilang oras pa ang nilagi nila sa kakahuyan. Pinilit ni Rio na maging masigla lalo na at nalaman niyang mahal siya ng reyna niya. Para iyong isang paboritong kanta ni Rio na hindi maalis sa kan'yang pandinig.
"Kailangan na nating umalis rito at bumalik na resort," bulong ni Rio kay Nathalia. Nakayakap pa rin ito sa kan'ya. Hinaplos ni Rio ang balikat ng dalaga. Tiningala siya ni Nathalia pagkatapos ay tumango.
Agad na tumayo si Rio. Mahigpit niyang hinawakan sa kamay si Nathalia at hinila na palabas sa liblib na kakahuyan. Nang marating nila ang gilid ng dagat ay nahagilap ng tingin ni Rio ang isa pang speedboat na paparating sa kanila.
Nakilala niya kaagad sina Mang Toni at ang mga kasamahan nito. Mahigpit pa rin ang pagkakahawak niya sa kamay ni Nathalia na para bang maagaw ito sa k
