Napabalikwas ng bangon si Zeki nang maggising ang diwa niya at mapagtantong hindi pamilyar sa kanya ang kinaroroonan. Ang kinahihigaan niya ay gawa sa kahoy na nilatagan ng banig. May disenteng unan at kumot naman na manipis lang. Sa uluhan niya ay maliit na bintana. Tumayo siya at sumilip sa labas. Maraming malalaking kahoy na hitik sa bunga. May duyang rattan at sa malayong dako ay malawak na palayan.
“Where am I?” nalilito niyang tanong sa sarili. The last thing he remembered was drinking alcohol with Perlas’ father. Nasapo niya ang ulo. “What did I do this time? Sana naman ay wala akong ginawang kabaliwan.”
Bumukas ang pinto at pumasok si Perlas, may dala itong supot.
“Perlas?”
“Nasa bahay ka namin. Nalasing ka kagabi at nakatulog. Hindi ka naman sinundo rito ng kaibigan mo kaya di
