Ilang beses pang pinag-isipan ni Kathleen ang binabalak. Totoong balak niyang ilapit ang sarili kay Laurenti noon dahil akala niya ay may totoong pagtingin ito bago umalis. Pero iba na ang sitwasyon nito ngayon. Maliban sa committed na ito sa ibang babae, mali pala sila ng akala ng Papa niya na babalik ito sa kanya para tuparin ang isang pangako.
Gayunman ay may bago siyang dahilan ngayon para ituloy pa rin ang plano. Gusto niyang gumanti kay Donna sa paraang masasaktan ito nang labis. Magpapakasal ito kay Laurenti pero mag-iiwan siya ng lamat sa dalawa. Ang kailangan lang ay maging maingat siya para hindi siya ang masugatan.
Sa ganitong paraan din ay maibabalik niya kay Laurenti ang pagpapaasa nito sa kanya noon. Kailangan niya lang ng kaunting panahon para mahanap ang ama na ila
