Isang matinding irap ang muli kong binigay kay Hellione nang tumingin siya sa akin. Kanina ko pa siya iniirapan dahil hindi niya nabili ang gusto ko.
Magkaharap kami rito sa veranda ng Mama at Papa niya. Dito nila napiling mag-dinner dahil kami-kami lang naman ang kakain. Wala pa kasi si Ate Helena at malamang ay kasama na naman nito ang boyfriend na si Dr. Lopez.
Tapos na kaming kumain ng dinner at dessert na ang aming nilalantakan. Nagkukwentuhan kami habang inuubos ang mga desserts na nakahain.
Ipinagpatuloy ko ang pagkain ng chocolate at pilit na inignora ang presensya ni Hellione sa tabi ko. Nagkunwari akong busy sa pagkain ng chocolates at nakikinig sa kwento ng kanyang Mama.
Para durian lang kasi hindi pa niya ako mapagbigyan. Hindi na nga ako nagreklamo ng hindi niya mabili ang
