Madaling araw ng bumiyahe kami. Umarkila ng van si Steve para di mahirapan sa biyahe ang tita Astrid. Agad kaming sinalubong ng magulang ko pagbaba pa lang ng sasakyan. Napaluha ang tatay pagkakita sa kapatid nito. Gaya niya hindi makapaniwala ang mga ito sa sinapit ng tiyahin. Nakatulala lamang ito habang nakatingin sa aking mga magulang. Hindi pa rin ito nagsasalita. Palagi lang nakatulala at nakatitig sa kawalan.
"Tita, dito ka muna ha. Sila nanay at tatay ang mag-aalaga sa'yo. Pagtutulungan namin para lubusan kang gumaling. Gusto ko pagbalik ko makita ko na ulit ang ngiti mo."
Nandito kami sa aking silid. Nakaupo ito sa gilid ng kama habang sinusuklayan ko ng buhok . Ako na ang nagpaligo dito. Tinulungan ko rin ito para malinisan ang mga sugat nito.
Si nanay, tatay at Steve ay nasa
