Cecily
NAHIRAPAN akong gumawa ng excuses pero nakaalis din naman akong bahay ng mga Petrov. Kikitain ko ngayon si Uncle Sandro sa isang restaurant.
Hindi kami sa mamahaling restaurant magkikita. Rito ako nagdesisyon na makipag-usap sa kanya dahil alam ko na hindi mapapadpad ang mayayamang pamilya na kagaya ng mga Petrov sa lugar na ito. Nasabi ko naman ito kay Uncle at wala naman siyang angal.
Nang makarating ako sa lugar, nakita ko kaagad si Uncle Sandro. Niyakap niya ako nang makalapit ako sa kanya at agad na kinumusta.
“Okay naman po ako. Kayo po?”
Naupo na kami at may nagbigay sa amin ng menu nang sa ganoon ay makapili kami ng kakainin namin.
“Maayos din naman ako. Mama misses you. Sana raw ay makadalaw ka kaagad.”
Natuwa ako sa sinabi ni Uncle. Hindi pa ganoong katagal simula
