Humalakhak si Seifer, isang mapanglarong halakhak habang nakapasok ang dalawa nitong kamay sa magkabilang bulsa ng kanyang pantalon. "Oh, we're that famous? I am not informed." Anas nito at tumingin sa harapan, lagpas sa akin, habang may ngisi sa kanyang labi.
Sa gilid nito ay nakita kong umiling si Dalia ngunit nakangiti ng nakakakilabot at nakatuon ang atensyon sa harapan. Doon ko lamang napansin ang kulay ng buhok nito... silver. Katulad ng buhok ni Clyde.
Sa gilid nito ay si Carmela na iniikot ang kanyang paningin sa paligid, at susunod si Clydeus na nakatingin sa akin ng nakasimangot, habang sa harapan ay ang kambal na walang emosyong nakatingin sa amin... sa kalabang aking nasa likuran.
Naglalakad sila ng dahan dahan, na animo'y kinukuha ang lahat ng atensyon sa aming
