Oriana Fatima’s POV
Dumaan ang umaga at tanghalian pero mahimbing pa rin ang tulog ni Damien sa tabi ko. Pinagmamasdan ko lang siya matulog ng payapa na nagbibigay rin ng kapayapaan sa akin. Pagkatapos ng nakakapagod na araw niya, ito siya at nagpapahinga sa tabi ko at kumukuha ng lakas.
Tumatagos sa makapal na kurtina ang araw mula sa labas. Nakadapa si Damien sa kama habang nakaupo ako at nagbabasa ng libro ko. Kitang-kita ang hubad niyang likuran at ang bewang pababa niya lang ang natatabunan ng comforter.
Sabado ngayon at wala akong klase kaya pahinga ko rin kasama ang boyfriend ko na gusto ko munang alagaan. Inaantay ko na lang siyang magising bago ako bumaba para makakain. Inilipat ko sa ibang pahina ang libro na binabasa ko.
“Miss?” Sunod-sunod na katok mula sa labas.
Tumayo
