Oriana Fatima’s POV
Malalim ang pagbuntong hininga ko. Ang ginhawa sa pakiramdam na ayos na ako at wala ng masakit sa katawan ko. Wala na ang sakit ng puson ko. Kakaiba ang pag-ariba ng sakit kanina. Akala ko hinahati ang tiyan ko ng walang anesthesia kanina at hindi ko kayang makapagsalita sa sobrang sakit.
May dextrose na nakakabit sa kamay ko. Hindi ko alam kung anong ginawa at tinurok sa akin para mawala ang sakit at nakatulog ako. Pero maigi na ‘yon dahil naging okay ako. Salamat din talaga sa asawa ko na maagap. Inagapan niya
“Mabuti naman at nagising ka na. Kumusta ang pakiramdam mo? Okay ka na?”
Tumango ako sa kanya. Hinalikan niya ang noo ko at hinaplos ang buhok ko. Alam kong nahirapan din siya ngayon. Pinag-alala ko pa siya ng husto. Alam ko naman na hindi rin siya okay sa t
