Chapter 31
Parang mahihiwalay na ang aking kaluluwa dahil sa bilis ng kanyang pagtakbo habang hilang hila niya ang aking kamay. Kanina pa ako nagtatanong kung saan ba kami pupunta o ano ang pag-uusapan namin ngunit wala akong napalang sagot sa kanya. Kahit pilit ko man na humiwalay sa pagkakahawak niya sa akin ay hindi niya pinayagan at mas hinigpitan lang niya.
"Ano ba Kenn! Pwede mo namang sabihin na lang eh! Hindi itong nanghihila ka!" Daing ko sa kanya. Medyo masakit na rin kasi ang aking kamay na kanyang hinihila eh. Ilang saglit pa, biglang siyang napatigil na nagdulot ng pagbangga ko sa kanyang likod.
"Sky…"Narinig kong pagtawag sa akin ng isang pamilyar na boses. Napasilip ako sa harapan ni Kenn at nakita ko si Jake na nakatayo.
"Pasensya na tol…may pupuntahan kasi kami eh." Pa
