MABIBILIS ang mga hakbang ni Dean habang papunta sa hospital room ni Selena. Tumawag sa kanya si tita Carmel. Tuwang-tuwang ibinalita nito sa kanya na nagkamalay na raw ang kanyang asawa. Ilang araw rin siyang hindi nakapagbantay kay Selena dahil nagkasakit ang kanyang anak.
Nang matanggap ni Dean ang balita ay agad niyang tinawagan si Manang Ester at pinabalik sa trabaho nito. Mabuti na lang at malapit-lapit ang tinutuluyan nito sa San Diego Compound kaya mabilis itong nakarating sa kanila. Bago siya umalis ng unit ay naglinis na muna siya ng buong bahay para maayos iyong madaratnan ni Selena kung sakali. Matapos ang mahigit isang bwan na paghihirap niya ay ngayon na lang muling nabuhay ang dugo niya. Pansamantala niyang iniwan si Elijah at inihabilin sa kasambahay.
Si tita C
