BUMANGON si Yssabelle mula sa pagkakahiga niya sa kama ng hindi siya dalawin ng antok. Kanina pa kasi siya pabaling-baling mula sa pagkakahiga niya sa kama pero hindi pa din siya dalawin ng antok. Medyo nakainom kasi siya ng alak kanina, ganoon kasi ang epekto ng alak sa kanya kapag nakakainom siya, hirap siyang makatulog. Niyaya kasi siya ng mga kasama niya sa trabaho na uminom, ayaw naman niyang magmukhang killjoy kaya pinagbigyan niya ang mga ito, eh, lahat naman ng kasama niya sa trabaho ay nag-iinuman. Isang bote lang naman ang ininom niya dahil hindi naman siya manginginom. Pero kahit na isang bote lang ang ininom niya ay tinamaan pa din siya.
Nasa isang private resort sila ng sandaling iyon. Ngayon kasi ang Birthday ng Lolo ni Sir Trent, ang original na plano ay sa mansion gaganap
