NAPATINGIN si Yssabelle sa labas ng pinto ng opisina ni Trent nang makarinig siya ng mahinang pagkatok mula doon. At mayamaya ay naramdaman niya ang pagpihit ng seradura at ang pagbukas ng pinto.
At napakibot-kibot ang labi ni Yssabelle nang makita niya kung sino ang sumilip mula doon. Walang iba kundi si Chester. At napansin niya ang pagsilay ng ngiti sa labi nito nang tumutok ang tingin nito sa kanya.
"Hi, Yssabelle," bati nito sa kanya ng magtama ang mga mata nilang dalawa.
"Hi Chester," ganting bati din niya dito. Tuluyan namang pumasok si Chester sa loob ng opisina.
"Where's Trent?" tanong ni Chester sa kanya.
"May meeting siya," sagot naman niya.
"Kanina pa?" tanong nito.
Tumango naman siya. "Oo," sagot niya dito.
"Hintayin ko na lang siya dito. May sasabihin kasi ako
